बुक उघडा मनाचे
आपणच आपुले रे
आज उघडूया बुक
आपणच करूया रे
आज आपुले कौतुक
वाचुयात प्रत्येकच
आज मनाचे रे पान
जरा लावुया हिशोब
किती मिळवले ज्ञान
मनी चांगले जे गुण
त्याचा वापर करूया
तमो गुण जे अंगात
त्याला बाजूला सारूया
काय हवं,काय नको
जरा वाचून पाहूया
हव्या नको त्या गोष्टींच्या
नोंदी लिहून ठेवूया
अनुभव शिकवतो
असे म्हणतात सारे
पाने पालटून मागे
धडा त्यातून शिका रे
✍🏻 लक्ष्मण दशरथ सावंत
जि.प.कें.प्रा.शा.पाल,औरंगाबाद
© ldsawant.blogspot.in
No comments:
Post a Comment