*शेतीच्या बांधावरून*
माय बाप सरकार तुम्ही म्हणून तुम्हाला सांगणं
पटत नाही मनाला तुमचं आजकालच हे वागणं
पोशींदा जगाचा म्हणून गौरविता आम्हा नित्य
नुसत्याच घोषणांचा बाजार ते शब्द ना पाळणं
हातातोंडाला येतो घास कसाबसा शेतात अन्
भरताना पाणी पिकाला विजेचे अचानक जाणं
कर्ज काढून जपलं जातं त्या कांद्याच्या रोपाला
नेहमीच लिहिलेलयं कांद्याच्या भावाने रडवणं
वाचतात पिकं कधीतरी आसमानी संकटातून
शेतमालाच्या दराला नेहमीच खाली पाडणं
विरोधक करतायत म्हणे कर्जमाफीची ती थट्टा
तुमची तरी कुठं आहेत सांगा शेतीपुरक धोरणं
पटत नाही मनाला तुमचं आजकालचं हे वागणं
मातीतुन फक्त आमचं आहे तुम्हा एकच सांगणं
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*