*चला बालकांनो*
चला चला बालकांनो
गाणे निसर्गाचे गाऊ
झाडे,वेली,चंद्र,तारे
सारे निरखून पाहू
मारताना उड्या ससा
जरा दुरूनच बघू
चांदण्यांना मोजायला
चला रात्रभर जागू
कडाडते वीज अन्
ढग वाजवितो बाजा
राजेशाही थाटामधी
येतो हा पाऊस राजा
नदीतल्या त्या पाण्यात
चला मनसोक्त डुंबू
रानातच गवतात
खेळ मांडू लिंबू-टिंबू
वास फुलांचा आपल्या
चला नाकात भरून
खोपा केला कसा घेऊ
चिमणीला विचारून
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment