उखाणा

नाव घेतो तिचं
जी माझ्यासाठी खास
माझ्या -हुदयात
तिचाच नित्य वास
सात खणाचा वाडा
दारी बैलजोडी,घोडा
सात खणाला सात दारं
सात दाराला सात कुलूपं
सात कुलूपाला सात किल्ल्या
किल्ल्या तिच्या कमरेला
चाले कशी दण दण
पैंजण वाजे छम छम
पहिले दार उघडते
साडी परीधान करते
दुसरे दार उघडते
नटा फटा करते
तिसरे दार  उघडते
देव पुजा करते
चौथे दार उघडते
स्वयंपाक बनवते
पाचवे दार उघडते
निरोप ती धाडते
सहावे दार उघडते
जेवण ती वाढते
सातव्या दाराआत
तोंडी रंगे पान
माझ्यात अडकलेले
असे तिचे प्राण
सप्तपदी ओलांडून
माझ्या वाड्यात आली
माझ्या जीवाची
*सोनाली* राणी झाली

✍🏻 *लक्ष्मण दशरथ सावंत*