🌍 *निसर्गाची हाक*🍃
तुझ्या राक्षसी वृत्तीने
पाणी केले हद्दपार
झाल्या विहिरी वांझट
झाले ओसाड शिवार
दिसू लागल्या गावात
दुष्ट दुष्काळाच्या छटा
पाणी मिळेना पोटाला
काय करायच्या नोटा?
अशा भयाण उन्हात
पाय चाले अनवाणी
शोध पाण्याचा घेताना
दाटे डोळ्यामधी पाणी
गेलं पाणी वाहूनिया
नाही बांदाला बंदिस्ती
किती चिमण्या जीवांची
गेली उजाडून वस्ती
होती हिरवी धरती
गात आनंदात गाणी
नाही राहिली पाखरे
गेली संपून कहानी
हाक ऐक निसर्गाची
धर हातामधी हात
बांध बंदिस्ती घालाया
देऊ एकमेकां साथ
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*