माहेरवाशीन

*माहेरवासीन*

येते  मनात  दाटून
माहेराची आठवण
धाव घेते माहेराला
मास लागता श्रावण

नागोबाला पुजायचा
नाग पंचमीचा सण
झोक्यावर बसुनिया
झुले उंच माझे मन

सा-या सासरवासिनी
लेकी माहेराला येती
सुख दु:खे ऐकमेकी
-हुदयात त्या ओतती

राखी बांधते भावाला
त्याला करून औक्षण
लाडका तो बंधुराया
गुंते त्याच्यातच मन

असा सोन्याचा श्रावण
येई   एकदा  वर्षात
आईबापाच्या कुशीत
जातो अगदी हर्षात

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*