आहो शिक्षण शिक्षण
गेलं बदलून पार
मिळे गणवेश जोडी
पोटा पोषण आहार
आहो शिक्षण शिक्षण
नाही शारीरिक शिक्षा
तिथं मानवी मूल्यांची
होते काटेकोर रक्षा
आहो शिक्षण शिक्षण
आहे गंमतच न्यारी
शैक्षणिक साधनांची
भरे शैक्षणिक वारी
आहो शिक्षण शिक्षण
गेली बदलून शाळा
डिजीटल शिक्षणाने
लागे विद्यार्थ्यांना लळा
आहो शिक्षण शिक्षण
फक्त झेडपीची शाळा
चारी दिशेला फुलतो
ज्ञान अमृताचा मळा
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment