*नवीन पहाट*
सण पुनवेचा आला
धागा राखीचा घेवून
कर हात माझ्या पुढे
आली बहीण धावून
तुला ओवाळू मी कशी
नाही आरतीचे ताट
दगडाचा घे आसरा
नाही बसायला पाट
बाप फोडीतो दगड
माय बनविती रस्ता
मोबादला त्या घामाचा
आहे हो खूपच सस्ता
गडेगंज इमारती
काय लोकांच्या कामाच्या
खाऊ मिरची भाकर
धारा गाळून घामाच्या
दुःख दारिद्रय जन्माचं
किती बसावे रडत
नशीबाला कोसोनिया
दुःखी खपल्या काडत
जरी उघडा संसार
जगू आनंदी जीवन
आज जरी अंधकार
उद्या पहाट नवीन
✍🏻 *लक्ष्मण दशरथ सावंत*
*जि.प.कें.प्रा.पाल,औरंगाबाद*
© *ldsawant.blogspot.in*
No comments:
Post a Comment