आम्हाला सारे हिंदुस्थानी

आपण सारे हिंदुस्थानी
गाऊ स्वातंत्र्याची गाणी||धृ||

गांधीजींची ही पवित्र भूमी
क्रांतिविरांची इथे ना कमी
हाक मिळता बलीदानाची
पेटूनीया उठते ही अवनी||१||

कोणी फासावरती चढले
कोण घनघोर युद्ध लढले
रक्षणार्थ या मायभूमीच्या
धारातीर्थीही पडले रणी ||२||

जातीभेद ते विसरून जाऊ
एकात्मतेचा हा संदेश देऊ
हात घेऊनीया हातामधी
दुष्मणांना पाजुया पाणी||३||

लोण्याहूनही आम्ही मऊ
सिंहाचेही कधी बछडे होऊ
सत्य अहिंसेची परंपरा अन् 
क्रांतिज्योतही जळते मनी||४||