*चिऊताई*
चिऊताई चिऊताई
एक सांग मला बाई
टिपताना दाणे सांग
किती करतेस घाई
होता पहाट सकाळ
येई चिवचिव कानी
पहाटेच्या वेळी सांग
म्हणतेस का ग गाणी?
चोचीतला दाणा चिऊ
देते पिल्लांच्या चोचीत
दाणा खाऊनिया उष्टा
पिल्लु येतात खुशीत
झेप घेते दूरवर
काडी चोचीत आणते
काडी काडी जमवून
कसे घरटे विणते
माझ्या अंगणी तू चिऊ
रोज टिपतेस दाणे
मज आवडते तुझे
स्वैर गगणी उडणे
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment