*पावा प्रतिक प्रेमाचे*🎼
यमुनेच्या तीरावरी
कान्हा वाजवी बासरी
नाद ऐकून तयाचा
होई राधा ती बावरी
गाई वासरे आनंदी
स्वर ऐकून मंजुळ
संथ वाहे यमुनाई
वाजे पाणी झुळझुळ
पावा मुरली बासरी
तुझ्या वाद्याची रे नावे
शाम रंग मोहमयी
रूप आणिक बरवे
येता सुर बासरीचे
जाई हरपून भान
भुक नाहीच पोटाला
नाही लागत तहान
पावा प्रतिक प्रेमाचे
राधा आणि मुरारीचे
जुळे एकमेकांमध्ये
सारे स्वर अंतरीचे
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment