फक्त दोघांचच जग

*फक्त दोघांचच जग*

हातामध्ये हात सखे
गुंफूनीया दूर जाऊ
निसर्गाच्या सवे आज
प्रेमगीत  गात जाऊ

शुभ्र  वस्र  लेवुनी तू
केस मोकळे सोडले
मम ह्रुदयाच्या सखे
आज तारेला छेडले

धुंद होऊनीया धुकं
चहूदिशा पसरलं
तुला घ्यायला बाहूत
मन माझं आसुसलं

तुझ्या सोबत चालता
नाही चंद्राची त्या आस
तव मुखचंद्राचा ग
हवा वाटे सहवास

गर्द हिरव्या झाडीत
सखे आपणच दोघं
चिंब प्रेमात बुडल्या
फक्त दोघांचच जग

अशा गुलाबी थंडीत
जरा शोधूया एकांत
संसाराच्या जोखडाचा
नको करायला भ्रांत

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*