🌷 *कमलदल*🌷
जीणं असं उकीरड्याचं
आम्हा का नियतीने दिलं
माय बापांना मारूनी
का आम्हा पोरकं केलं
नाही मायेचं कोणीही इथं
कोणाचा नाही पाठीवर हात
कोण कुरवाळेल केस
आणि चारेल मऊ दूधभात
पायी अडकलेत आमच्या
अतुट दारिद्र्याचे फास
कोण्या सटवीने लिहिला
आमच्या नशीबी वनवास
पोटामध्ये या कळ तरी
मुखावरती आमच्या हसू
कचऱ्यातुनच एक दिवस
चमकाणारे आम्ही असू
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
No comments:
Post a Comment