वात्सल्य

*वात्सल्य*

जन्म देताच वासराला
गाय जिभेने चाटते
तिच्या अशा वात्सल्याचे
मला कौतुक वाटते

नाही कोणतं परिमाण
मोजण्या आईची माया
खूप मेहनतीने देवाने
बनविलीय तिची काया

देव असतो सर्वत्र तरीही
आपल्याला ना दिसतो
आईच्या शरीरातही त्याचा
अंश सामावलेला असतो

माय माझी माय तुझी ती
सार्यांचीच सारखी असते
माय पशुची असली तरी
मातृत्व तिथे वसलेले असते

तिच्यासारखी  ती माया
फक्त तीच  करत असते
म्हणूनच प्रत्येकाची आई
प्रत्येकासाठी बेस्ट असते

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*