🌧 *हिरवे गोंदण* 🌱
थेंब पिऊन नभाचे
धरा आनंदे हसली
होवूनिया नववधु
शालू हिरवा नेसली
पोट तिचे फाडूनिया
बीज आत कोंबियले
दोन दिस राहूनिया
मग हळू अंकुरले
चिंब चिंब होवूनिया
हसे नववधु धरा
शुभ्र नितळ पाण्याचा
तिच्या उदरात झरा
पाणी पाणी चहुकडे
जणू टिपूर चांदणं
अंगावर तिच्या दिसे
छान हिरवे गोंदणं
किती करावं कौतुक
तिच्या आशा लावण्याचं
मला लाभलय भाग्य
तिचं लेकरू होण्याचं
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment