विठू तुझ्या नामाचा

*विठू तुझ्या नामाचा*

आस लागली मनाला
भेट  विठुची  होईल
संत जणांच्या संगती
पायी चालत जाईल

पंढरीच्या वाटेकडे
पाय ओढ घेती माझे
टाळ टिपरीच्या संगे
मुग्ध मृदंगही वाजे

पालखीत भेटतील
ज्ञाना तुका नामा जना
नाम स्मरता विठुचे
होई समाधान मना

मन  होईल  हे तृप्त
डोळा पंढरी देखता
विठू तुझ्या रे नामाचा
मग गोडवा ऐकता

तुझ्या पायी व्हावे लीन
हीच आस  या मनाची
तुझे  आशिष  मिळता
चिंता  मिटेल  उन्हाची

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*