🌹 *पहाट* 🌹
सुटला पहाट वारा
मंद झाल्या तारका
बहरला मोगरा अन्
सुगंध येतो सारखा
पुर्वेकडच्या वेशीवर
सांडला कोणी तांबडा
केव्हापासून ओरडतो
क्वॉकक क्वॉक कोंबडा
गवतावर त्या दंवबिंदूनी
साम्राज्य मांडून ठेवलं
अनवाणी पायाला मग
नकळत त्यानं भिजवलं
नवी घेण्या झेप पुन्हा
घरट्यात किलबिलाट
चालू लागेल आज पुन्हा
झोपलेली ती पायवाट
मांगल्याचा सुगंध पुन्हा
दरवळू पाहे घरात
शेणमातीचा सडा अन्
रांगोळी शोभे दारात
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment