घासभर धान्य

*घासभर धान्य*

सई दळीते दळण
भल्या पहाटे उठून
जातं वाजे घरोघरी
येतं तांबडे  फुटून

घासावरी घास धान्य
टाके जात्याच्या मुखात
होतो तरास पाटीला
तरी  गातेय  सुखात

घासावरी घास धान्य
टाके जात्याच्या मुखात
होतो तरास पाटीला
तरी  गातेय  सुखात

काट पदराची साडी
तिला शोभून दिसते
गाते जात्यावर ओव्या
सई  गालात  हसते

रांधल्याचा जात्यावर
नाही कसलाही त्राण
रात्रंदिस  घरासाठी
तिचे  राबतात  प्राण

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*