सुगरण मी

*सुगरण मी*

काडी काडी जमवीली
केला आशीयाना उभा
वारा येता  जोशामधी
जाई भिडायला  नभा

टापटिप  दिसे  खोपा
सुगरण  मी  नावाची
त्यात खेळतील माझी
पिल्ले इवल्या जीवाची

नको लागायला त्यांना
ऊन  पाऊस  नि वारा
माझ्या आशा खोप्यामध्ये
नाही धोक्यालाही थारा

बसूनीया खोप्यावर
घेते झोका जरावेळ
पुन्हा ऊन सावलीशी
आहे खेळायचा खेळ

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*