कोण गडे?

असतेस सदा तू
माझ्या आसपास
जगू कसा तुजवीन
तुच माझा श्वास

तुजवीन खरेतर इथं
पानही हालत नाही
फुल गुलाबाचं जरी
आनंदे डोलत नाही

जाळतेच तूच आणि
विझवणारीही तूच
दम कोंडतो तुझमुळे
गंध पसरवणारी तूच

जलचक्र हे तुझ्यामुळे
तूच वादळे वाहणारी
भरती-ओहटी तवकारणे
तू त्सुनामी घडवणारी

कोण बरे तू आहे गडे
मज हवीशी वाटणारी?
ह्रुदयासह माझ्यातल्या
रक्तातही घर थाटणारी?

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*