🎨 *रंग रंगले रंगात*🎨
रंग उजळून आले
रंग खुलवून आले
रंग कळींना देवून
रंग फूलवून आले
रंगवाया निसर्गाला
रंग वसंताचे आले
रंग झाडांना वेलींना
रंगमय सारे झाले
रंग गालाला लावूया
रंग अंगाला लावूया
रंग लावू एकमेकां
रंग रंगीत होवूया
रंग येता हातामधी
रंग चेहऱ्याला आले
रंग कोणता कोणाचा?
रंग सारे एक झाले
रंग लागले तनाला
रंग लागले मनाला
रंगमय वसंताचे
रंग लावूया जनाला
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment