*आली खळ्याला रे जाग*
आली सोंगणीला आली
साऱ्या शेतातली साळी
गावोगावी मळणीला
सज्ज झाल्यात रे खळी
धुमाकूळ जागोजागी
माह संपताना माघ
रास साळीची अंगणी
येते खळ्याला रे जाग
होता घावावर घाव
दाणे निसटती खाली
उफनाया वाऱ्यावर
पुन्हा भरतील डाली
किती कष्टाचे हे काम
अंग गाळतेय घाम
तरी मातीमोल ठरे
साऱ्या घामाचा रे दाम
जरी पडतात कष्ट
तरी राबे शेतकरी
आबादानी उत्पन्नाचे
स्वप्न बाळगून उरी
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment