नकोच ती वादळे

🌪 *नकोच ती वादळे*🌪

खूप झाली वादळे
खूप झाली रे हवा
शांती नि समतेचा
मार्ग दाखवा रे नवा

किती आली वादळे
आणि विरून गेली
निरापराध जीवांचा
गळा चिरून गेली

महान होते पुरूष ते
नका जातीमध्ये बांधू
त्यांच्या थोरवीवरती
नका संधी तुम्ही साधू

निळे, भगवे नको
नको हिरवे वादळ
उभाराया शांतीस्तंभ
घेवूया हाती कुदळ

कशाला करता हवा
गर्वाचा नुसता फुगा
हिमतीवर स्वतःच्या
जरा आनंदाने जगा

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*