भाज्यांचे महत्त्व

*भाज्यांचे महत्त्व*

नको आम्हा चॉकलेट
आणि नकोच ती मॕगी
आई डब्यात आमच्या
आता देत जा ग भाजी

ताज्या हिरव्या भाजीने
व्हिटॕमीन  मिळतील
रोगराई  मग   साऱ्या
दूर    दूर     पळतील

मोड आलेली मटकी
आणि सारी कडधान्ये
करी शरीरा समृद्ध
मन हे ताजे-तवाने

रोज करूनी व्यायाम
राहू  आम्ही  तंदुरुस्त
कच्चे गाजर काकडी
टाकू करूनीया फस्त

आम्ही शाळेत शिकलो
हवे आहारात सत्व
म्हणूनच या भाज्यांचे
आम्हा वाटते महत्त्व

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*