गवताच्या पात्यावर
गवताच्या पात्यावर
दवबिंदू चमकती
सकाळच्या किरणांचे
जणू स्वागत करती
गवताच्या पात्यावर
वारा खेळतो स्वच्छंद
चहुदिशा पसरवी
ओल्या मातीचा तो गंध
गवताच्या पात्यावर
फुले विविध रंगाची
नाना आकार ते जणू
नक्षी कोरली ढगांची
गवताच्या पात्यावर
छान ते फुलपाखरू
मन धावे धरायला
सांगा मी कसे आवरू
गवताच्या पात्यावर
गाई- गुरांची नजर
दृष्टी पडता क्षणीच
त्यास खायला हजर
✍लक्ष्मण दशरथ सावंत
जि.प.कें.प्रा.शा.पाल,औरंगाबाद
© ldsawant.blogspot.in
No comments:
Post a Comment