बलात्कार

🌹

बलात्कार शब्दातच
पाहा आहे किती दर्द
पिडितेच्या जीवनात
होतो अंधार तो गर्द

रोज नवीन बातमी
रोज नवीन पिडित
वासनांध असतात
रोज काळीज फाडीत

मन कापते वाचून
रोज तेच पानोपानी
बदलते जागा फक्त
तीच असते कहाणी

आर्त किंकाळी ठोकते
रोज नवीन निर्भया
कुठं असतो कायदा?
नाही थांबवत क्रौर्या

संस्कारच कुठेतरी
कमी पडत आहेत
म्हणूनच घटना या
अशा घडत आहेत

✒ *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*