✊🏻 *मी पुन्हा*✊🏻
लाजाळूच्या झाडाला मी पुन्हा लाजवू का
चिंब लाजेने झालीस मी पुन्हा भिजवू का
आधीच विचाराच्या गर्तेत आडकलीस तू
शंकेचे वादळ मनात मी पुन्हा माजवू का
विरहाच्या दुःखाची आताच खपली पडली
आठवणीच्या काडीने मी पुन्हा खाजवू का
स्वर बासरीचे करतात बैचेन हरेक मनाला
मनमोही त्या मुरलीला मी पुन्हा वाजवू का
झेलले वादळांना किती, हरलो ना कधीही
या तुफानाला ह्रुदयात मी पुन्हा निजवू का
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment