एकदा तरी

🌹 *एकदा तरी*😥

कस सांगू मी तुला
विसरू शकत नाही
तुझ्याशिवाय खरेतर
काहीच सुचत नाही

नजरेआड होताच तू
गोंधळ माझा होतो
तुझ्या भेटीसाठी जीव
व्याकूळ माझा होतो

तूच  तू  दिसतेस  मग
गुलाबाच्या  पाकळीत
तुझीच  प्रतिमा माझ्या
गळ्यातल्या साखळीत

ओठावरचं नाव तुझं
ह्रुदयातही कोरलयं
तुझ्यासाठी कित्येकींना
बाजूला मी सारलयं

श्वास हा तुटण्याआधी
एकदा तरी येऊन जा
तुझ्या मिलनाचा सखे
गारवा  तू   देवून  जा

✍🏻 *लक्ष्मण दशरथ सावंत*
© *ldsawant.blogspot.in*