सपान पेरीतं

🌾 *सपानं पेरीतं*🌾

दिस पेरणीचे आले
झाली लगबग सुरू
शेता-शेतात तिपन
स्वप्न लागलीय पेरु

सर्जा राजाच्या साथीनं
मन सपानं पेरीतं
विठू भेटेल म्हणून
होतं सामील वारीत

घन येतील भरून
चिंब करतील माती
बीया आणी धरतीची
घट्ट बनतील नाती

आज सोने तो पेरीतो
अशा उघड्या रानात
पिका येईल बहार
आशा असते मनात

दोर जगाच्या भुकेची
आहे हातातच माझ्या
आम्हा कष्टानेच सुखी
होते राजा आणि प्रजा

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*