बालगीत

*बालगीत-देवाकडे प्रार्थना*

देवा तुला आज
मी जोडतो रे हात
साळीच्या रोपानांच
येऊ दे मऊ भात

उसालाच येऊदे
पोते भरून साखर
ज्वारीच्या रोपांनाच
येऊ दे गोल भाकर

समुद्राच्या सतरंजीवर
जरा वेळ लोळू दे
इंद्रधनुचा आम्हांला
झोकाही जरा खेळू दे

चंद्र आणि चांदण्या
हाताला त्या येऊ दे
सुर्यालाही जरासा तु
थंड कुल्फी खाऊ दे

ढगांकडे बोट करता
गळू दे बदाबदा पाणी
इशारा करता कोकिळेला
गाऊ दे गोड गोड गाणी

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*