यल्गार

👊🏻 *एल्गार* 👊🏻

प्रियकराचे लग्न तिच्या
दुसरीच्यासंगे जमले
भावनांचा चुराडा झाला
सारे स्वप्न तिचे भंगले

समजलं असेल त्यालाही
काय होतं कणखर भेटल्यावर
तिही काही कमी नाही
मनातून पेटून उठल्यावर

मंडप पेटवून तिने आज
खरचं फुकलाय शंख
बेवफाई प्रवृत्तीला तिने
जोरदार मारलाय डंख

फुलांनाही वेदना होतात
ते देठापासून तुटताना
कसं कोणाला सहन होईन
सुख डोळ्यांदेखत लुटताना

तिला नेमकं समजता काय?
फक्त मजा घेताय करून
पायातली वाहन नाहीये ती
मुकाटयाने सहन घेईन करून

तिच्या धाडसाला माझे
आहेत लाख प्रणाम
बेवफाई प्रवृत्तीला आतातरी
लागला पाहिजे लगाम

✍🏻 *लक्ष्मण दशरथ सावंत*
© *ldsawant.blogspot.in*