स्वच्छता

*बालकविता- स्वच्छता*

चला ठेवूया स्वच्छता
दूर लोटूनिया घाण
स्वच्छतेत भारताची
चला वाढवूया शान||धृ||

आम्ही भविष्य उद्याचे
हाती घेवुयात झाडू
जळमटे ती भिंतीची
केर कचराही काढू
श्रम करीत करीत
होऊ उद्याले सुजाण||१||

नखे कापून टाकूया
साबणाने हात धुऊ
जन जागृती करण्या
स्वच्छतेचे नारे देऊ
स्वच्छ समृद्ध भारत
आता करूया निर्माण||२||

घेऊ हातामधी हात
नाही पाहायची जात
स्वच्छ कराया भारत
चला करू सुरूवात
अशा एकीच्या बळाने
देश होईल महान ||३||

वसा गाडगे बाबांचा
चला जपुया आपण
स्वच्छ करू परिसर
करू  वृक्ष  संगोपन
त्यांच्या अतुल्य कार्याची
चला ठेवुया रे जाण||४||

✒ *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*