झोप नको झेप घेऊया
जगायचं तर संघर्ष
जणू ठरलेला आहे
लढा इथं प्रत्येकाच्या
ह्रुदयी कोरलेला आहे
न्यायहक्कासाठी आता
काढावा लागतो मोर्चा
मोर्चाविना कोणी इथं
करीतच नाहीय चर्चा
मागण्या ज्या टोपीवर
तेच फलक नि घोषणा
कोण जुमानतो उन्हाला?
न्याय मिळण्याची तृष्णा
मागणी व्हावी मान्य
वाटते ज्याला त्याला
अन्यायावर आता तरी
घालायला हवा घाला
शत्रू सारे आपल्यातील
आपल्याशीच ही लढाई
झोप नको झेप घेऊया
अन्यायावर करू चढाई
लक्ष्मण दशरथ सावंत,औरंगाबाद
No comments:
Post a Comment