*सांजवेळी*🌹🌹
गालगागा गालगागा गालगागा
भेटण्याची आस राणी सांजवेळी
भासते तू खास राणी सांजवेळी
कैक झाल्या काळजाच्या मैफिली या
जाणवे का भास राणी सांजवेळी
यौवनाला भंगण्याचा शाप आता
देह हा आभास राणी सांजवेळी
मी पुजारी छानशा या यौवनाचा
होत आहे दास राणी सांजवेळी
लावियेले कोणत्या तू अत्तराला
ज्ञात हे कोणास राणी सांजवेळी
पंडितांनी हात देता पार झालो
वेळ ही कामास राणी सांजवेळी
लक्ष्मण सावंत
No comments:
Post a Comment