दिवस जोंधळ्याचे

*अष्टाक्षरी-दिवस जोंधळ्याचे*

माझ्या हिरव्या शेतात
कोण ही जादू करून
शुभ्र टपोर्या दाण्यांनी
आलं कणीस भरून

कसं बाई सांगू तुम्हा
आसं नवल घडलं
ज्वारीच्या पोटामधून
मोती बाहेर पडलं

लागे निखारे पेटाया
भर दिवसा शेतात
हुरडा खाण्याची सर्वां
एक लालसा मनात

झुंड झुंडीत पाखरे
मारू घिरट्या लागले
किती हाकलले तरी
येऊ माघारी लागले

हे दिवस जोंधळ्याचे
खूप असती कामाचे
शेतात राबणार्यांच्या
जणू असती घामाचे

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*