सुखाच्या शोधात

*सुखाच्या शोधात*

धावतो सुखाच्या शोधात
सकाळपासून राञीपर्यंत
पछाडले जरी किती वेळा
परी दुःखाला नाहीच अंत

श्रीमंत मानव नेहमी मला
सुखात असतो वाटायचा
तोही संपत्तीच्या चिंतेने
निद्रानाश ग्रस्त भेटायचा

दगडाच्या देवळातही मी
होते पाहिले सुख धुंडाळून
पालनकर्ता दुःखी होता
कापडात ठेवलेला गुंडाळून

जंगलातील तो मोरही कुठं
नेहमी सुखात राहिलाय?
एक डोळा कावळ्याचा मी
एकांतात रडताना पाहिलाय

छोट्या गोष्टीत आनंद शोध
भविष्य कोरण्यात नाही सुख
अंगाएवढेच अंथरून हवे
पोटाच्यावर नसावीच भूक

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*