माझी तु

🌹🌹 *माझी तु*🌹🌹

जीव तुझ्यात गुंतला
नाही कशाचेही भान
तुझी सवय ओठाला
नित्य तुझे गुणगान

तुझे मखमली केस
असे वार्यांनी उडती
कंठ कोकिळेचा तुझा
स्वर ह्रुदया भिडती

तुझे चालणे नाजूक
पायी वाजते पैंजण
नाद ऐकताच होई
ह्रुदयात रूणझुण

नाक जणू चाफेकळी
ओठ गुलाब पाकळी
मला सतावन्या भाळी
बटा सोडली मोकळी

वेणी दिसते खुलून
आहे माळला गजरा
मज म्हणोनी आवडे
तिचा चेहरा लाजरा

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*