मानवतेचा हात

*मानवतेचा हात*

उन्हाचा असह्य तडाका
जीव कासाविस तहानेने
पाणी मिळेना कुठेही
काय करावे मुक्त प्राण्याने?

हिंदू गाईला माता मानतो
मुस्लिमांना दूध कुठं आहे वर्ज्य
भुकेला अन्न तहानेला पाणी
हा सगळ्यांचाच आहे फर्ज

तिला सारखेच दोन्हीही
मंदिर असो वा मस्जिद
दूध ती दोघांनाही पुरवते
दिवाळी असो किंवा ईद

मुक्या प्राण्यांना कुठं सांगा
कळतो जात अन् धर्म
फक्त भाईचार्याने राहायाचे
एवढेच जाणतात ते कर्म

फक्त मानुन उपयोग काय?
गोमाता आमची आई
पाण्याविना आजही तडफती
रस्त्यावर कैक बेवारस गाई

भुतदया जे दाखवितात
नसतात कोणत्या धर्माचे
मदत करणारे हात नेहमी
फक्त असतात मानवतेचे

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*