महाराष्ट्र गीत

🚩 *महाराष्ट्र गीत* 🚩

जरिपटक्याचा भगवा झेंडा हा
अटकेपार होता फडफडला
स्वराज्य संस्थापक शिवरायही
सह्याद्रीच्या याच भुमीत घडला

पौरूषत्वाच्या कथा इथल्या
आसेतुहिमाचल लोक वदती
लाख सिकंदरांना गाडून इथे
नेहमीच पुरून उरते ही माती

राजकारण वा समाजकारण
दोन्हीही सुखाने इथे नांदती
पसरवायाला किर्ती जगामधी
शक्ती-युक्ती साथ कार्य साधती

हीच ती माती भिमाची जननी
आगरकर,टिळक,फुले,शाहुंची
काळाकुट्ट पाषाण फोडणाऱ्या
राकट कणखर बलदंड बाहुंची

जात,धर्म बहू वेशभूषा इथल्या
परि मराठी हा मानवधर्म असे
जरी सूर विविध जसे रंग इंद्रधनु
महाराष्ट्र गीत या ह्रुदयात वसे

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.bligspot.in*