यशवंत हो

यशवंत हो तु बुद्धीमंत हो
दूर करावया अंधार तु
                 ...........ज्ञानवंत हो||धृ||

अपार मेहनत कष्ट तु, वेचले दिनरात
अंधार संपवून यशाची उगवेल प्रभात
नकल नको करू होईल तुझाच घात
नकोस शोधू शॉर्टकट तु प्रतिभावंत हो||१||

दूर अजून ध्येय तुझी दूर अजूनी यश
मन कर खंबीर जाईल दूर ते अपयश
नकोच आता द्विविदा तु प्रसन्नतेने हस
हिमतींने मार्गक्रम कर तु कित्तीवंत हो||२||

माता पिता गुरूजी तुझ्या पाठीशी सदैव
परिश्रम कर अपार नसते कधीच रे दैव
नको कॉपी दुसऱ्याची विश्वास स्वतःवर ठेव
तेजाळून ज्योत अंतरीची तु गुणवंत हो||३||

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
कृपया आवडल्यास नावासह शेअर करा🙏🏻