भारत राष्ट्र महान
एका धाग्यात गुंफले मोती
माला एकतेची सुंदर छान
सान-थोर नाही कोणी इथे
समान सर्व सांगे संविधान
राबती अविरत लाखो हात
या देशाची उंचावण्या मान
प्राण अर्पुणी रक्षण करती
सैनिकांचा करूया सन्मान
जाती-धर्म विसरून जाऊ
बंधु-भावाची ठेवूया जाण
संकट येता या देशावरती
तळहातावर घेऊया प्राण
अंधश्रद्धेवर मात कराया
जवळ ठेऊयात ते विज्ञान
जगावर या राज्य करण्या
समृद्ध होऊया घेऊन ज्ञान
या परंपरेचे होऊन पाईक
वाढवूयात देशाची शान
हाती घेऊया हात आणि
करूया भारत राष्ट्र महान
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment