आयुष्य

*आयुष्य*

तु असताना संग
मज भय ते कसले
दाटता डोळा पाणी
होते अलगद पुसले

काट्याची चिंता ती
मी करावी कशाला
आयुष्य हे  मजला
रेशमासम  भासले

कुणाची पर्वा सांग
कशाला ह्या जीवा
तुझेच नाव माझ्या
ह्रुदायामधी वसले

तु माझ्यासाठी आहे
नित्य जीव की प्राण
चिखलात सांग कधी
फूल कमलाचे नासले

आयुष्य आहे माझे
अमानत ही तुझी
तुझ्यातच माझे मज
आज भविष्य दिसले

✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*