*ओटी नदीची भरली*
आला जोमाने पाऊस
ओटी नदीची भरली
माजलेल्या दुष्काळाची
आता चांगली जिरली
पाणी जुमानेच कोणा
काय बांध नि धरण
बंद केलय पाण्याने
अंग चोरत चालणं
वाहे दुथडी भरून
वाजे खळखळ पाणी
आली निसर्गाच्या ओठी
सारी तृप्ततेची गाणी
फेस आलाय तोंडाला
फेस पाण्याचा पाहून
कोण जाणे काय काय
नदी नेईल वाहून
आकाशाचे प्रतिबिंब
खळाळत्या त्या पाण्यात
नाही थांबण्याचे नाव
धन्य मानी वाहण्यात
✍🏻 *लक्ष्मण दशरथ सावंत*
*जि.प.कें.प्रा.शा.पाल,औरंगाबाद*
© *ldsawant.blogspot.in*
No comments:
Post a Comment